Ibilbide hau mendiz mendi bizikletaz egiteko ideia
Cesarrek hartu zuen internetetik, Berrizko Ismael Lejarretak eta beste batzuk
eginda zutelako eta, trackak wikiloc-en zintzilikatuta. Ibilbideak paraje politak zeharkatzen ditu eta gainera,
kasu askotan, pistak hartu beharrean bidezidor nahiko teknikoak ditu.
5 lagun, Elorriotik goizeko 7:15etan abitu ginen
bizikletaz Berrizera, han 7:45ean trena hartzeko. Pertsonako 2,20 € ordainduta
treneko lehen bagoian sartu ginen. Han bizikletak non utzi ez bazegoen ere, jenderik
ez zebilenez, arazorik gabe egin genuen bidaia.
50 minutuko bidaiaren ondoren Debara heldu ginen eta
hondartza kontratik abiatu ginen. Ibilbidearen lehen zatiak kostako Donejakuen
bidea, “Camino de Santiago” delakoa da, horregatik nahiko jende zebilen goiz
izan arren (batez ere atzerritarrak). Hasierako igoera gogorra eta nahiko
teknikoa, Mutriku gainean dagoen Kalbariora heldu arte. Ondoren Olatz
auzora eta gero Donejakuen bidea alde batera utzita San Miguel portura
heldu ginen. Bidearen beste aldean igoera gogor bat hasten da Kalamuako lepora.
Hemendik merezi du ahalegin bat egitea eta belar aldapa batetik Kalamuako tontorrera heltzea (769 m.). Lepora
leku beretik jaitsi eta ibilbidea jarraituz Usartzara (Ixuara) heldu ginen, eta
ondoren Urko mendi magaletik, bidezidor polit bat jarraituz Trabakua gainera.
Hemen, mendiz Elorriora egiteko aukera genuen: Plantxetara (Areitio), San
Romaneko pistatik Poxpolinerara eta bertatik aldapera jaistea. Baina azkenean,
ordua kontutan izanik Berrizkoak egin zutena egin genuen guk ere; Trabakua
bidez jaitsi Berrizera heltzeko. Gero bidez ere Miota gainetik Elorriora.
Guztira 52km egin genituen, bizikletan, martxan, 4 bat
ordu eta desnibel positiboa 1449 m., Kalamuara igoera zenbatu gabe.
Irteerako argazkiak ikusteko edo deskargatzeko
klikatu hemen
