Gozada bat da laneguna honela hasteko aukera eta gogoa izatea. Bizikletaz lanera, eskolara, … goazenok, ez dugu kutsatzen, osasuntsu ariketa fisikoa egiten dugu eta gainera dirua aurrezten dugu. Bere alde txar bakarra, gaur egun errepidean dagoen arriskua da; bideak, kotxe eta kamioientzat eginak daude, bizikletak traba bat gara eta egunen batean aurretik eramango gaituzte. Baina, batzuei ahoa garapen jasangarriaz betetzen zaien bitartean, lehen urratsak guk emango ditugu dagoen garraiobide ekologikoena, merkeena, osasuntsuena erabiliz, eta besteentzat (batez ere umeentzat) eredu izanik. Bide hau hartzen dugunok gaur 4, bihar 8 eta etzi 16 bagara, lortuko dugu ingurunea (kaleak, bideak, espaloiak, pasealekuak, bidegorriak, ...) motorrik gabeko garraiobideetara egokitzea, segurtasuna handituz eta mugitzeko askatasun handiagoa emanez, bereziki umeei.
Gai honen inguruko helbide interesgarriak:
- (http://conbici.org) CONBICIren helburu nagusia bizikleta garraiobide gisa erabil dadin bultzatzea da eta zeregin horretan dihardute orain dela ia bi hamarkadaz geroztik.
- (http://www.bizizbizi.org) Asociación de ciclistas urbanos.
- (http://www.pedalibre.org) Asociación cicloturista de usuarios de la bicicleta
- (http://www.conbicialcole.com)
