Ekainaren 21eik 30era 8 lagun Val de Aranera joan ginen bizikleta eta mendi ekintzak egitera.
Etxea, Baciver izenekoa, Aubert herrian hartu genuen. 2 ohe konpartitzeko bazituen ere, oso ondo zegoen: sala handi batekin, kanpoan egoteko lekuarekin (barbakoa eta guzti) eta bizikleta guztiak sartzeko garaje handi batekin. Kontuan izanda bakoitzak bizikleta bi eraman genituela; mendikoa eta errepidekoa, garaje hau oso erabilgarria izan zen. Gainera, prezioz ere ondo zegoen: 8 pertsona eta 9 gaba 2614€.
Ekainaren 21ean, arratsaldean irten eta, frantziatik joanda, lau ordu ta erditan bertan ginen.
Hona hemen egun horietan egindako ekintzak:
Ekainaren 22a zapatua:
Bideko bizikletaz 104 kilometro eta 2.200 metroko desnibel positiboa duen ondorengo ibilbidea egin genuen: Aubert, Vielha, Salardu, Baqueira, Bonaigua, Sorpe, Boren, Alós d´Isil, Forneteko aterpetxea, Motgarriko santutegia, Beret, Baqueira, Salardu, Arties, Vielha, Aubert.
Ibildeko tracka
Kontuan hartu behar da Forneteko aterpetxetik Motgarrira eta ondoren Beretera pista batetik egiten dela. Nahiko ondo dago, bereziki hasieran, baina kontuz ibili beharra dago zulatuak saihesteko.
Motgarriko aterpetxean brasan prestatutako bokadillo ederrak jan genituen.
 |
| Bonaiguan gora |
 |
| Bonaigua portuan |
 |
| Sant Joan d´Isil |
 |
| Pistan, Fornet aterpetxetik gora |
 |
| Zulatua |
 |
| Montgarriko santutegia |
Ekainaren 23a domekia:
Vielha aldean lainoa sartuta, ipar haizea eta euri txikia zenez, furgonetetan bizikletak kargau eta hegoaldera dagoen Esterri d´Aneu herrira hoan ginen. Pirinio mendikatearen beste aldean dagoenez hemen eguraldia primerakoa zen.
Egun honetan mendiko bizikletaz 35 kilometro eta 1.400 metroko desnibel positiboa duen ondorengo ibilbidea egin genuen: Errepidetik Valencia d´Aneu herrira eta ondoren pista batetik gorantz hasieran eta bidezidorretatik gora eta behera eginda ondoren, Son herrira (merezi du bertako eliza erromanikoa eta kanposantua ikustea). Jarraian, aldapa suabeko pista batetik Plana de la Fonteko aterpetxera (izenak ondo dioen moduan iturria dauka). Belarretik gora eginda puntu gorenera heltzen da. Guk bizikletaz egin genuen, baina gero aterpetxeko zaintzaileak txakurra bota zigun bizikletekin parkean belarra zapaltzeagatik (oinez egin behar da). Goitik ikuspegi ederra dago: Les Encants mendiak, Espoteko inguruak... Jaisteko, pistatik egin daiteke, baina guk orokorrean zailtasun
handirik ez duen GRko bidezidorretik egin genuen, Jou herrira lehenengo eta
hortik Esterri d´Aneura.
Ibilbidearen tracka
 |
| Bidezidorrean |
 |
| Son herrira heltzen |
 |
| Sant Joan d´Son |
 |
| Pistan gora |
 |
| Les encantats mendiak (atzean, eskuman) |
 |
| Plana de la Font |
 |
| Esterri d´Aneuko igerileku ondoan |
Ekainaren 24a astelehena:
Bideko bizikletaz 90 kilometro eta 2730 metroko desnibel positiboa duen ibilbide hau egin genuen: Auber, Vielha (Garona ibaiaren albotik doan bidezidorretik) Gausac eta Bassa d´Oles. Bide beretik jaitsi eta errepide estu eta polit batetik Artiga de Linera igotzen duen bidera. Gora eginda Artiga de Lineko aterpetxera. Bertan bizikletak utzi eta oinez 5 minututan ur jauzira (merezi du). Kasu honetan be bide beretik jaitsi Es Bordes herrira eta errepide nazionaletik Bossot herrira. Bailaran beste aldera eginda Garderer de Arres portura, eta aurrera eginda beste aldera jaitsi: Arres, Vilamos eta errepide nazionalera. Bertan beste errepide estu bat hartu eta 10 kilometro gogor eginda Saut deth Pishera. Hemen ere ur jauzi polit bat dago. Guk pistatik aurrera beste pare bat kilometro igo genituen. Jaitsiera Aubert herrira leku beretik da.
Ibilbidearen tracka
 |
| Bassa d´Oles |
 |
| Artiga de Lin |
 |
| Guarderer de Arres |
 |
| Saut deth Pish |
 |
| Bernak errefresketan |
 |
| Carlosek preparautako saiheski ederra afaltzeko |
Ekainaren 25a martitzena:
Egun honetan 2 taldetan banatu ginen batzuk bizikletaz eta beste batzuk oinez aritu ginen.
Aitor, Carlos eta Roberto mendiko bizikletaz Coma de Auran aldera joan ziren
Leire, Peio, Vite, Cesar eta bostok Sarrahera mendira (2.633 m) joan ginen. Kotxea Vielhako tuneleko hego aldean utzi genuen (1.500 m).
Ekainaren 26a eguastena:
Bideko bizikletiaz 96 kilometro eta 2526 metroko desnibel positiboa duen ibilbide hau egin genuen: Aubert, Bossost, Portilhon, Luchon, Superbagneres, Luchon (jatetxe batean bazkari ona), Portilhon, Bossost, Aubert.
Superbagneres portua gogorra egin zitzaigun beroagatik eta 12 kilometrotan 1.150 metro igotzen direlako. Baita norbaitek jarri zuen erritmo itogarriagatik 😂
Ibilbidearen tracka
 |
| Tourreko txirrindularien monumentua |
 |
| Superbagneres |
 |
| Portilhon bueltan |
Ekainaren 27a eguena:
Mendiko bizikletiaz 55 kilometro eta 1.400 metroko desnibel positiboa duen ibilbide hau egin genuen: Auberten hasi eta Garos herriraino errepidetik. Hemen pista bat hartu eta Artieseko ur termalen kontratik Salardura igo. Salardutik Tredoseko bainuetara asfaltatutako errepidetik (asteburuetan kotxe asko ibiltzen dira gora eta behera). Tredosetik aurrera pista eder batetik gora (Colomerseko zirkua ikusten da). Pista honek 2.200 metroko altuera hartzen du. Hortik aurrera pistatik jaitsiera Pruedoko txabola ingurura arte. Hemen pista utzi eta bidezidor lau batetik 5 bat kilometro dira "Ur kamara" deitzen dioten lekura iritsi arte. Hemen enduroko jaitsiera hasten da, hasieran gorria da eta jarraian nahiko apurtua dagoen "Sanglier" jaitsiera urdina, Salardura heldutakoan errepidez buelta Aubertera.
Ibilbidearen tracka
 |
| Tredosera bidean |
 |
| Behean etorri garen pista ikusten da |
 |
| Pruedoko txabolarantz |
 |
| Uraren bidea |
 |
| Uraren bidearen tunela |
 |
| Uraren kamara |
 |
| Sanglier jaitsiera urdina |
Bazkal ostean batzuk siestia egin zuten.
Beste batzuk Uhnako ferratia egitera joan ginen
Ekainaren 28a barikua:
Mendiko bizikletiaz 27 kilometro eta 1.200 metroko desnibel positiboa duen ibilbide hau egin genuen: Aubert, Vielha (Garona ibaiaren kontra doan bidezidorretik), Gausac. Ondoren bidezidor batetik Casaura (aldapa oso gogorra, baina laburra). Herri-auzo honetan pista luze (11,5 km) eta aldapa gutxikoa hartzen da Eth Santet leporaino (2.019 m). Lepo honetan aterpetxe bat ere badago. Jarraian mendiko bidezidorretatik jaitsiera Aubert herriraino. Leku hauetatik pasatuz: Pleta des Anhets-eko txabola (bertan iturria dago), Bassa de Oles eta Plan Batalher.
Ibilbidearen tracka
 |
| Pistan gora |
 |
| Eth Santet lepoa |
 |
| Mendiko bidezidorretatik beherantz |
 |
| Pleta des Anhets-eko txabolak eta iturria |
 |
| Bassa de Oles |
 |
| Atsedena eta tertulia |
Ekainaren 29a zapatua:
Mendiko bizikletiaz 34 kilometro eta 1.150 metroko desnibel positiboa duen ibilbide hau egin genuen: Aubert, Vielha (Garona ibaiaren kontra doan bidezidorretik), Era Serra de Naut (1943 metroko altuera arte). Jaitsiera hasiera pista beretik eta ondoren Tuca flow bidezidorretik (61C urdina). Benetan jaitsiera polita: landua eta ondo mantenduta.
Ibilbidearen tracka
