Ekainaren 13an urteroko irteera egin genuen Erdella Mendi Taldekoekin. Aurten La Tesla mendi ingurura.
Betiko lez ibilbide bat oinezkoentzako eta
beste bat bizikletaz egiteko planteatu genuen. Gero bokata eta errekan bainua elkarraz
egiteko. Oinez 15 pertsona eta bizikletaz 12 joan ginen.
Goizeko 7:30etan Elorriotik irten ginen Trespadernera (Burgosera) eta hor bizikletadunak jaitsi ginen (9:15).
Oinezkoak autobusez jarraitu zuten Barruelora. Hauen ibilbidea: Barruelotik irten
(681m), Peña Corbara igo (1324m), mendilerroa jarraituz San Mamesera joan
(1273m) eta Quintanalacuesta herrira jaitsi (710m). Guztira 12 bat km eta 680 m
positibo. Trankil eginda 5 ordutan egin zuten ibilbidea.
Oinezkoen tracka ikusteko,
klikatu hemen
Bizikletaz Trespaderneko tren geltoki zaharretik abiatu ginen,
GRa jarraituz Tartalés de Cilla herria zeharkatu eta ondoren pistatik Muñecas
lepora heldu ginen. Hemendik altuera irabaziz Coronilla lepora. Hemen hasten da
lehen jaitsiera Panizares herri ondora. Harri artean nahiko jaitsiera teknikoa, baina polita eta
disfrutatzekoa.
 |
Trespaderneko trenbide zaharrean iturria
|
 |
Pistatik Muñecas leporantz
|
 |
| Coronilla lepoan |
 |
| Coronillatik beherantz |
Aurrera
eginez pistak eta bidezidorrak tartekatuz Hoz de Valdivielso herrira, eta
hortik errepidez Tartalés de los Montes herrira joan ginen.
 |
Hoz de Valdivielso
|
 |
| Tartalés del Monteko ur-jauzia |
Tartalés herria utzita pista
suabe bat jarraituz Majada del Nogal lepora igo genuen. Hemen hasten da bigarren
jaitsiera, pistatik hasieran eta bidezidor errezak jarraituz ondoren, La
Canaleja arroilan sartu ginen. Zati txiki batzuk oinez egin eta Arroyo de Valdivielso
herrira lehenengo eta Población-era ondoren heldu ginen.
 |
| La Canaleja arroila |
 |
| Canaleja |
 |
| Arroyo de Valdivielso |
Hemendik aurrera 6 kilometrotan Ebro ibaiaren alboan joan ginen pista eta bidezidor lauak jarraituz.
Bidea
eta Ebro gurutzatuz, pistatik azken igoera egin genuen Panizares herrira lehenengo
eta Vallorcako iturrira ondoren. Hemendik hasten da hirugarren eta azken
jaitsiera (urdin-gorria), disfrutatzekoa. Amaitzeko bidetik 3,5 km egin genituen hasierako puntura.
 |
| Panizares |
 |
| Jaitsieraren bukaera |
Guztira 47 bat kilometro, 1500 metro positibo dira eta 5 ordutan egin genuen ibilbidea.
Bizikletaz egindako ibilbidearen tracka ikusteko, klikatu hemen
Trespadernen pare bat trago hartu eta autobusez 7 kilometrotara dagoen Pedrosa de Tobalina herrira gerturatu ginen.
Bertatik pasatzen den Jerea errekan bainua hartzeko poza ezagun bat dago. Guk poza
horren gainean dagoen txoperan bokatak jan eta bainua hartu genuen.
